Shmanget në momentin e fundit mbyllja e Qeverisë amerikane

@Pixabay

Shtetet e Bashkuara të Amerikës kanë shmangur mbylljen federale, pasi Dhoma e Përfaqësuesve dhe Senati u pajtuan për një marrëveshje financimi, ndonëse afatshkurtër.

Projektligji e mban të financuar Qeverinë deri më 17 nëntor u miratua në Senat me 88 vota pro dhe nëntë kundër.

Presidenti i Shteteve të Bashkuara të Amerikës, Joe Biden e ka nënshkruar projektligjin pak para se të skadonte afati në mesnatë.

Në njoftimin nga Shtëpia e Bardhë, presidenti Biden është shprehur se ky është lajm i mirë për popullin amerikan, përcjell albinfo.ch.

Ndryshe, mbyllja do të sjellte pushimin pa pagesë për mijëra punonjës federalë dhe do t’i pezullonte shërbimet qeveritare.