Shndërrohet në spital stadiumi i Dortmundit për të prekurit me koronavirus

(KEYSTONE/Jean-Christophe Bott)

Duke qenë se futbolli është ndalur për shkak të koronavirusit dhe klubet pritet të pësojnë humbje të mëdha ekonomike, derisa ende nuk dihet kur do të qetësohet gjithçka dhe të rinisë sezoni.

Sido që të jetë, të gjithë skuadrat e mëdha europiane janë vënë në rresht për të ndihmuar sadopak shtetet në përballimin e situatës, me mundësitë e tyre.

Duhet theksuar se së fundi Borussia Dortmund ka vendosur të vërë stadiumin “Signal Iduna park” në dispozicion të autoriteteve shëndetësore, për të shtruar dhe kuruar të prekurit nga virusi vdekjeprurës.

Fotot që qarkullojnë në rrjet tregojnë se një pjesë e mirë e ambienteve të brendshme janë përshtatur në dhoma për trajtimin e të sëmurëve, kryesisht atyre që janë prekur më lehtë dhe nuk kanë nevojë për trajtim intensive, përcjell albinfo.ch.

https://www.facebook.com/BVB/photos/pb.134904013188254.-2207520000../4184402364905045/?type=3&theater

https://www.facebook.com/BVB/photos/pb.134904013188254.-2207520000../4184402164905065/?type=3&theater