Shorti për Botëror: Kosova, në grup me Zvicrën

Në Grupin B, Kosova do të përballet me kombëtare të mëdha si Zvicra, Suedia dhe Sllovenia

Është hedhur shorti për kualifikueset e Botërorit në Cyrih.

Në Grupin B, Kosova do të përballet me kombëtare të mëdha si Zvicra, Suedia dhe Sllovenia, transmeton albinfo.ch.

Ndeshjet do të zhvillohen në 10 ditë ndeshjesh gjatë pesë pushimeve ndërkombëtare. Këto pushime ndërkombëtare janë 21-25 mars, 6-10 qershor, 4-9 shtator, 9-14 tetor dhe 13-18 nëntor.

Sidoqoftë, asnjë ekip nuk do të luajë kualifikueset e Kupës së Botës në të gjitha ato data, sepse ka maksimumi tetë ndeshje. Disa skuadra do të fillojnë në mars, të tjerat do të fillojnë në qershor dhe grupet me katër skuadra nuk do të fillojnë deri në shtator. Këtu fillon edhe Kosova kualifikueset.

Ndeshjet ‘play-off’ do të zhvillohen në datat 26-31 mars 2026.

Kupa e Botës do të fillojë më 11 qershor në Mexico City dhe do të përfundojë më 19 korrik në New Jersey.

Turneu i zgjeruar me 48 ekipe do të zgjasë me një rekord prej 39 ditësh. Formati i ri do të ketë 12 grupe me katër ekipe dhe një raund të fundit me eliminim direkt për herë të parë.

---