Shkurt.ch

Shpëtohen 75 udhëtarë të ngujuar në teleferik

E hënë, 9 Prill 2012 - 12:21 albinfo.ch

75 udhëtarë ishin ngujuar dje në teleferikët e një linje në vendpushimin Diavolezza në kantonin Graubünden. Është dashur të angazhoheshin helikopterët për t`i shpëtuar ata nga gjendja e rëndë ku ndodheshin.

Teleferiku qe bllokuar rreth mesditës së djeshme si pasojë e një defekti teknik, pak para se të mbërrinte në stacionin e radhës.

Katër helikopterë të Rega-s është dashur të angazhohen për të ndihmuar pesë shpëtimtarë nga Schweizer Alpen-Clubs, në evakuimin e udhëtarëve. Operacioni ka zgjatur më shumë se dy orë ndërsa nuk ka pësuar lëndime askush.