Shqipe Sylejmani prezanton TEDx-Talk-in e saj të parë (Video)

Shkrimtarja zvicerane-shqiptare, Shqipe Sylejmani, është një profil suksesi si në rrafshin profesional, si autore librash, ashtu edhe si aktiviste kulturore, shkruan albinfo.ch.

Pa dyshim se emri i saj tashmë është familjarizuar në mediat zvicerane e shqiptare, duke përçuar vlera dhe shumë dashuri si në librat e saj, ashtu edhe me paraqitjet e saj dinjitoze.

Ajo së fundmi ka prezantuar TEDx-Talk-in e saj të parë, duke informuar të gjithë lidhur me këtë hap.

“Të dashur miq, është nderi im t’ju prezantoj TEDx-Talk-in tim të parë. Miliona njerëz mund të shikojnë çdo fjalë që themi – dhe unë u përpoqa t’i zgjidhja fjalët e mia me kujdes, sepse ishte pikërisht kjo për të cilën flitej: TREGIMET PAS FJALËVE”, shkruan Shqipja në rrjetet sociale.

Fjalimi i saj

TREGIMET PAS FJALËVE

Komunikimi është një forcë shumë e fuqishme.

Mund të na bashkojë, mund të ndërtojë ura mes nesh – po aq sa mund të na ndajë dhe të ndërtojë mure të larta mes nesh.

Kur shikojmë botën sot, shohim se ku na kanë sjellë komunikimi i keq, keqkuptimet, dhimbja dhe dëshpërimi.

Dhe na takon ne të zgjedhim, nëse duam të vazhdojmë të ndërtojmë shoqëri të njerëzve që gjithashtu duhet të rriten nga dhimbja, zemërimi dhe keqkuptimet.

Ose nëse vendosim, se është koha për të ndryshuar.

Dhe, që tani e tutje, ne do të ndërtojmë breza shoqërish që janë ndërtuar mbi besimin dhe mbështetjen, mbi fuqizimin dhe mirëkuptimin.

Në shqip themi se pranvera nuk lulëzon me një lule. Do të thotë se ka nevojë për të gjithë ne së bashku për ta bërë këtë ndryshim. Por imagjinoni se çfarë bote mund të jetë”, ishin fjalët e saj teksa prezantoj TEDx-Talk-in e saj. /Albinfo.ch

---