Shqipëri: Arrestime masive të trafikantëve me klandestinë

Policia në Shqipëri ka arrestuar 25 persona për trafikim klandestinësh nga Lindja e Mesme në BE.

18 të arrestuarit e sotëm janë shqiptarë, ndërsa 7 të huaj nga Palestina, Iraku, Irani, Egjipti dhe Turqia.

Për arrestimin e tyre kanë bashkëpunuar organe nga Shqipëria, Greqia dhe Italia.

Të arrestuarit dyshohet se bëjnë pjesë në 4 grupe që kalojnë klandestinë nga Iraku, Siria dhe Egjipti në Italinë e Jugut, me destinacion final BE-në, transmeton euronews, përcjell Albinfo.ch.

Ata marrin nga 5.000 deri në 10.000 euro për çdo klandestin që kalojnë, sipas autoriteteve shqiptare.

Dy nga 4 grupet janë në Itali, 1 në Shqipëri dhe 1 në Turqi.

Nga hetimi i deritanishëm janë dokumentuar 30 raste kontrabandimi të 1120 emigrantëve.

Gjithashtu, janë kapur në flagrancë klandestinë që po tentonin të kalonin kufijtë, si dhe janë sekuestruar skafe, një anije velierë, automjete dhe sende të ndryshme që shërbenin për kontrabandimin e personave në rrugë tokësore dhe detare.

 

---