Shqipëri-Maqedoni: Shiten 11 mijë bileta

Mësohet se rreth 11 mijë bileta janë shitur, kurse kapaciteti i stadiumit "lLoro Boriçi" në Shkodër është 16 mijë

Ndeshja me Maqedoninë po afrohet, derisa interesimi është i madh. Sonte Shqipëria luan me Marokun në miqësore nga ora 20:30, kurse më 5 shtator e pret Maqedoninë në Shkodër për kualifikueset e Botërorit “Rusia 2018”, shkruan albinfo.ch.

Mësohet se rreth 11 mijë bileta janë shitur, kurse kapaciteti i stadiumit në Shkodër është 16 mijë.

Një numër i konsiderueshëm i këtyre biletave janë shitur për shqiptarë të diasporës, apo nga Kosova e Maqedonia, me stadiumin “Loro Boriçi” që është duke shkuar drejt shitjes së të gjitha biletave para ndeshjes.

Biletat vijojnë të shiten ndërkohë me ritme të shpejta si në pikat zyrtare të shitjes në Tiranë, Shkodër e Prishtinë, një tjetër faktor ky që ka ndikuar në rritjen e interesimit ashtu dhe në biletarinë ‘on line’ në faqen zyrtare të FSHF-së.

Takimi me Maqedoninë shihet mjaft i ‘nxehtë’, duke marrë parasysh rivalitetin ndërmjet tifozëve. 400 bileta janë paraparë për tifozët mysafirë, por Federata e Futbollit e Maqedonisë ka deklaruar se nuk do të ketë tifozë maqedonas.