Shqipëria
Shqipëri, nis vaksinimi i operatorëve turistikë
Në Shqipëri ka nisur vaksinimi i operatorëve turistikë kundër Covid-19 nga Durrësi. Procesin e ndoqën nga afër kryeministri Rama dhe ministrja e Shëndetësisë, Ogerta Manastirliu.
“Nga sot janë rreth 2000 punonjës të operatorëve turistikë që fillojnë vaksinimin në këtë fazë të parë, sepse në vijim do të shtohen”.
Po ashtu, kreu i qeverisë kërkoi nga strukturave hoteliere të aplikojnë pranë Ministrisë së Turizmit për t’u futur në radhë për vaksinimin anti-COVID.
“Qeveria është gati të vaksinojë të gjithë personelin e strukturave hoteliere, duke filluar nga strukturat hoteliere të bregdetit, që janë ata që do të kenë edhe masën më të madhe të turistëve që do të presin, të cilët me këtë vaksinim më shumë për operatorët turistikë japin një garanci më shumë për turistët, si hotele që janë COVID free, të lira nga COVID-i”.
Pas operatorëve turistikë, në radhë për t’u vaksinuar do të jenë punonjësit e transportit.
Manastirliu bëri me dije se në qendrën e vaksinimit në Durrës janë vaksinuar mbi 20 mijë qytetarë, ndërkohë që janë mbi 314 mijë vaksinime të kryera në gjithë vendin.
Të ngjashme
Të tjera nga Shqipëria
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe