Shqipëri, rinisin fluturimet drejt Britanisë së Madhe

Tirana International Airport

Në një prononcim të sotëm aeroporti i Rinasit ka bërë të ditur se pasagjerët që udhëtojnë në Mbretërinë e Bashkuar prej së premtes do të rinisin fluturimet, transmeton albinfo.ch.

Në njoftim theksohet se të gjithë udhëtarët duhet të kenë një rezultat të vlefshëm të testit negativ për Covid, të marrë jo më shumë se 3 ditë para orës së planifikuar të nisjes.

Testi duhet të jetë i përkthyer në anglisht, frëngjisht dhe spanjisht.

Kjo do të kontrollohet në aeroportet e nisjes dhe pasagjerët që nuk kanë këtë dokument, do t’u refuzohet udhëtimi.

Në njoftim thuhet se të gjithë ata që do të udhëtojnë drejt Britanisë, do të karantinohen për 10 ditë.

Fëmijët nën moshën 11 vjeç janë të përjashtuar nga kërkesa për testin negativ. /Albinfo.ch

LAJME INTERESANTE NGA INTERNETI