Shqipëri: Rritet numri i të infektuarve me koronavirus

Vetëm 24 orët e fundit janë konfirmuar edhe 18 raste të reja në Shqipëri.

18 raste pozitive me koronavirus janë konfirmuar në Shqipëri, ku 11 janë vetëm në Tiranë, përcjellë albinfo,ch.

Eugena Tomini nga Instituti i Shëndetit Publik në Shqipëri, për mediat atje ka thënë se në të gjithë vendin aktualisht janë 173 persona aktivë me COVID19, kryesisht në Tiranë, Krujë, Shkodër, Kamëz.

“Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 19 pacientë dhe vetëm 3 prej tyre janë në terapi intensive”.

Deri më sot janë konfirmuar pozitivë me COVID-19 në të gjithë Shqipërinë 898 qytetarë, ndërsa 77% e të prekurve tashmë janë të shëruar.

---