Shqipëri: Rritet pragu i TVSH-së

Në Shqipëri, qeveria ka ngritur pragun minimal të të ardhurave për bizneset që e kanë detyrim regjistrimin për tatimin mbi vlerën e shtuar.

Në mbledhjen e së mërkurës të Këshillit të Ministrave u vendos që nga qarkullimi i të ardhurave 2 milionë lekë të reja (mbi 16 mijë euro) që ishte kufiri minimal i regjistrimit për tatimin mbi vlerën e shtuar, të shkojë në 10 milionë lekë (mbi 80 mijë euro), përcjell albinfo.ch.

Nga ky vendim i qeverisë përfitojnë një numër shumë i madh i bizneseve të vogla.

Vendim pritet të hy në fuqi nga 1 janari I vitit 2021.

Po ashtu, qeveria ka futur në këtë kategori me kufirin minimal 10 milionë lekë (mbi 80 mijë euro) të të ardhurave edhe një numër të madh të profesioneve të lira të cilat e kishin detyrim që të paguanin TVSH-në pavarësisht të ardhurave që kishin.

Bëhet fjalë për profesionet e tilla: avokat, noter, mjek i specializuar, dentist, dentist i specializuar, farmacist, infermier, veteriner, arkitekt, inxhinier, mjek-laborant, projektues, ekonomist, agronom, ekspert kontabël i regjistruar, kontabilist i miratuar dhe vlerësues i pasurisë etj.