Shqipëria, destinacion atraktiv turistik me kosto të ulët

Në udhëtimin e tij, David Farley, një shkrimtar udhëtimesh me qendër në Berlin dhe Nju-Jork, në një shkrim special dedikuar Shqipërisë e përshkruan si një nga kombet e vjetra të Evropës, një ish-shtet komunist, i lirë e tërheqës.
“Tirana, kryeqyteti i saj, mund të kthehet fare mirë në një destinacion të ri për pushimet. Shqipëria, sikundër edhe më parë vende si Kroacia, Sllovenia, Bullgaria apo Rumania, synon të anëtarësohet në BE. Ka shumë amerikanë që nuk mund ta gjejnë këtë vend në hartë, por ka shumë arsye se përse duhet të vizitohet”, shkruan ai.

Siç shkruan Agjencia Telegrafike Shqiptare për fillestarët, Shqipëria është një vend i admirueshëm, që gjendet në Evropë. Ka shumë plazhe të pazbuluara dhe peizazhe malore. Në të ka edhe statuja të George W.Bush dhe Hillary Clinton”, thekson Farley.
Farley nuk lë pa përmendur gjatë shkrimit edhe kryeministrin e vendit, Edi Rama, të cilin ai e quan artist të kthyer në politikan, fama e të cilit i ka kaluar kufijtë që në kohën kur ishte kryetar bashkie, me idetë e tij artistike të bëra realitet. Këtu përmend pallatet me ngjyra, projekte të kohës së Ramës kur ishte në krye të Tiranës.

Tiranën ai e quan disi të ngjashme me Romën. “Duke shëtitur nëpër rrugët e Tiranës kam menduar se i ngjan pak Romës. Rrugët, godinat janë pak a shumë të stilit italian të viteve 1920″.

Por, në qendër, të rinjtë duket se kanë “rimarrë” qytetin, veçanërisht në zonën e quajtur “Blloku”. Me vështirësi gjeta një restorant qe shërbente ushqime që ishin të gatuara me stil tradicional dhe kuptova se shqiptarët ende besojnë se gjërat e huaja janë më të mira. Nëse ka diçka që njihet si tipike shqiptare, është byreku apo bakllavaja, por në fakt janë me ndikim turk”, thotë ai, përcjell albinfo.ch.

“Provova diçka 100% shqiptare dhe kuptova se e ardhmja e vendit mund të jetë më e mirë”, përfundon shkrimtari.
http://www.startribune.com/albania-the-former-communist-country-is-cheap-beautiful-and-charmingly-odd/401779285/