Shqipëria dhe Ukraina nënshkruajnë deklaratën për integrim në NATO

Volodymyr Zelenskyy / Володимир Зеленський, X

Kryeministri i Shqipërisë, Edi Rama dhe Presidenti i Ukrainës, Volodymyr Zelensky, kanë nënshkruar një deklaratë të përbashkët, ku Shqipëria mbështet Ukrainën në integrimin në NATO.

“U takova me Edi Ramën për të falënderuar Shqipërinë për mbështetjen e Ukrainës, duke përfshirë edhe brenda Këshillit të Sigurimit. I jam veçanërisht mirënjohës Shqipërisë për anëtarësimin në Deklaratën e G7 për garancitë e sigurisë për Ukrainën. Ne nënshkruam gjithashtu një deklaratë të përbashkët për mbështetjen për integrimin e Ukrainës në NATO”, shkruan Zelensky, përcjell albinfo.ch.