Shqipëria në Panairin “EXPO Milano 2015”

Keystone

Shqipëria është pjesëmarrëse zyrtare në Panairin Ndërkombëtar i biznesit “EXPO Milano 2015”, të cilin, sipas autoriteteve italiane, pritet ta vizitojnë rreth 9 milionë persona.

Delegacioni shqiptar, i cili kryesohet nga Ministri i Zhvillimit Ekonomik dhe Turizmit, Arben Ahmetaj, ishte i pranishëm në ditën e parë të panairit dhe do të jetë atje edhe gjatë fundjavës, ku janë parashikuar një sërë aktivitetesh në pavijonin e Shqipërisë

“Expo Universale” zhvillohet nga viti 1851. Është një event i rëndësishëm, i cili organizohet çdo 5 vjet në vende të ndryshme të botës, me tematika të ndryshme.

Shqipëria ka marrë pjesë për herë të parë në vitin 1937 në Ekspo-n e Parisit dhe dy herë të tjera pas viteve ’90.

Këtë vit, sipas organizatorëve, është hera e parë që merr pjesë e pavarur dhe e vetëfinancuar.