Shqipëria sot në heshtje zgjedhore

Ndonëse mbrëmë pati përplasje mes protestuesve dhe policisë në Dibër dhe disa vende të tjera ku pati pjesëtarë të policisë dhe protestues të lënduar sot në Shqipëri është heshtje zgjedhore edhe pse data e nesërme e zgjedhjeve është shtyrë nga Presidenti, Ilir Meta, por mbajtje e zgjedhjeve lokale nuk ka hequr dorë Partia Socialiste, transmeton albinfo.ch.
Mesnata e së premtes shënoi fundin e fushatës dhe nisjen e heshtjes zgjedhore në Shqipëri. Një proces zgjedhor ky aspak i zakonshëm për rrethanat e krijuara dhe bojkotimin e saj nga opozita.
Një ditë përpara zgjedhjeve, Kodi Zgjedhor, ndalon çdo parti të bëjë fushatë apo propagandë drejtuar zgjedhësve.
Vetëm administruesit e procesit të certifikuar nga KQZ janë në detyrë në ditën e heshtjes zgjedhore për të bërë shpërndarjen e materialeve dhe fletëve të votimit në qendrat e votimit.
Megjithatë, situata ka qenë e tensionuar në Shqipëri për shkak të mospjesëmarrjes së partive opozitare në zgjedhjet lokale.
Me gjithë thirrjen e shumta të ambasadave për uljen e tensioneve dhe shmangën e dhunës të dielën në Shqipëri sipas shumë analistëve pritet të ketë përplasje dhe dhunë.