Shqipëria tronditet nga vrasja e çiftit të moshuar

Autori ka hyrë në banesën e çiftit dhe ka hapur zjarr në drejtim të tyre, ndërsa pasi është siguruar që i ka vrarë ka qëlluar edhe veten, duke marrë plagë të rënda

Në Gjirokastër ka ndodhur vrasje e dyfishtë, ku banorët janë tronditur, shkruajnë mediat shqiptare.

Çifti Leko dhe Afërdita Kosta, 66, përkatësisht 49 vjeç, janë vrarë nga kushëriri i parë, Apostol Kosta, kushëri i parë me Leko Kostën dhe fqinj i tyre, përcjell albinfo.ch.

Ky rast ka mundur të jetë edhe më tragjik, por u ka shpëtuar mrekullisht plumbave djali 20 vjeç i Afërditës nga martesa e parë.

Autori ka hyrë në banesën e çiftit dhe ka hapur zjarr në drejtim të tyre, ndërsa pasi është siguruar që i ka vrarë ka qëlluar edhe veten, duke marrë plagë të rënda.

Shkak për të ndërmarrë këtë akt të rëndë është bërë një gjyq i fituar nga çifti Kosota për një konflikt pronësie që kishin pasur me Apostolin, i cili rezulton të jetë edhe kushëri me viktimën.

Pra, bëhet fjalë për murin rrethues që ndante dy banesat e kushërinjve që ishin edhe fqinj. Një mur afro 4 metra i gjatë që çifti që u ekzekutua sot e kishte fituar me gjyq të hënën e kësaj jave.

Në qytet, Afërdita njihej si një mësuese e nderuar, ndërsa Aleko, ishte më i njohur, për shkak edhe të profesionit si saksofonist.