Shqiptarët e Amerikës ndihmojnë spitalin e Tetovës

Ata do të vazhdojnë të ndihmojnë edhe spitalet e Kosovës dhe Shqipërisë

Qendra kulturore shqiptaro-amerikane e Teksasit ka filluar të shpërndajë donacione për spitalet në Kosovë, Shqipëri dhe Maqedoni. Fillimi i shpërndarjes së donacioneve filloi nga Klinika e Tetovës, ku u dhuruan 5 mijë jastëkë, batanije dhe mbulesa. Përfaqësues nga kjo shoqatë dhe drejtori i spitalit të Tetovës falënderuan Bruno Cekën për këtë donacion.

“Sot i dorëzojmë  spitalit të Tetovës një donacion nga qendra kulturore  shqiptaro-amerikane e Teksasit  dhe janë pesë mijë pako të përbërë nga jastëk, kallfe jastëkësh  që do t’u shërbejnë nevojave të këtij spitali”, u shpreh Arjanit Xhaferi, përfaqësues i ACC, transmeton rtv 21, përcjell Albinfo.ch.

“Dua të shpreh falënderim qendrës kulturore shqiptare të Teksasit  si dhe dua të falënderojmë  zotin Bruno Ceka  që ky donacion i gjerë fillon me spitalin e Tetovës”, tha Florin Besimi, drejtor i Spitalit të Tetovës.

 

---