Shqiptari Edmond Nicaj fiton 1 milion dollarë në lotari

“Unë blej një biletë lotarie herë pas here, por kësaj radhe ishte vërtet shpërblyese” është shprehur Nicaj

41-vjeçar Edmond Nicaj nga Shqipëria ka fituar një milion dollar në “Michigan Lottery’s Powerball”, transmeton albinfo.ch.

“Unë blej një biletë lotarie herë pas here, por kësaj radhe ishte vërtet shpërblyese” është shprehur Nicaj, njofton portali ‘Opinion’.

“E pash biletën në mëngjes, dhe nuk pushoja dot duke u hedhur nga gëzimi. Fëmijët më dëgjuan dhe zbritën poshtë. Djali im 6 vjeçar filloi të më pyeste se me sa zero ishte shuma që fitova”, ka shtuar ai.

Bileta kushtonte vetëm 1 dollarë, dhe për kaq pak para, shqiptari arriti të bëhej milioner. Me këto para, Nicaj ka planifikuar të paguajë faturat dhe të ndajë mënjanë disa për gjashtë fëmijët e tij.