Shqiptari me dy vajzat 5 e 8 vjeçe me kostume kombëtare në paradën e motorëve!

Kundër babait është bërë kallëzim penal dhe ai është dënuar me një gjobë prej 500 eurosh. Përveç që kishte lejuar dy vajzat e vogla të ngisnin motorët pa përcjellje të të rriturve, ai kishte lejuar që ato të vishnin kostume kombëtare, të ciat mbërrinin deri te zinxhirët e motorit!

Foto: Josef Bodner

Edhe vetë ngasësit e Harley-Davidson-ëve kanë mbetur gojëhapur nga ajo që kanë parë: në mesin e mijëra motoristëve  të shtunën ishin  edhe dy vajza, me fustana të gjatë të cilët u shkonin zvarrë, pothuaj duke “fshirë” rrugën. Por atyre iu ndërpre vozitja e mëtejshme posa i pikasi policia: bëhej fjalë për dy vajza shqiptare 5 dhe 8 vjeçe, shkruan kurier.at.

Dy motrat po ngisnin mopedë të vegjël, të palejuar në trafik, por të konstruktuar në stilin e motorëve të famshëm Harley Davidson, transmeton albinfo.ch. Sidoqoftë, ato po i ngisnin me 30 deri 40 kilometra në orë motorët e tyre kur u panë në grupin e madh të motoristëve.

Dy vajzat ishin në shoqërim të babait të tyre, i cili ngiste një Harley Davidson. Ai, një shqiptar, shtetas i Italisë i është bashkuar një grupi të motoristëve nga Shqipëria dhe e udhëhiqte paradën me veshje kombëtare shqiptare, veshje të cilën e bartnin edhe pjesëtarët e grupit ashtu si dhe dy vajzat.

Kundër babait është bërë kallëzim penal dhe ai është dënuar me një gjobë prej 500 eurosh. Përveç që kishte lejuar dy vajzat e vogla të ngisnin motorët pa përcjellje të të rriturve, ai kishte lejuar që ato të vishnin kostume kombëtare, të cilat mbërrinin deri te zinxhirët e motorit! Dhe veç kësaj, ato nuk bartnin helmeta!