Shqiptarja nga SHBA-ja dhuron 100 çanta për fëmijët në nevojë në Pogradec

E reja nga SHBA me rrënjë shqiptare ndihmon fëmijët në nevojë të Pogradecit, ka edhe një mesazh prekës, transmeton albinfo.ch.

Ajo u ka ardhur në ndihmë 100 fëmijëve pogradecarë me familjet në nevojë duke bërë të pajisen me çanta shkolle në prag të vitit të ri arsimor.

Shqiptarët gjithmonë kanë treguar se lidhjet me vendin e origjinës nuk i humbnin kurrë. Qofshin emigrantë, bijë emigrantësh apo prej disa brezash të vendosur në vende të tjera dashurinë për Shqipërinë e kanë në treguar në çdo rast.

Njoftimin e ka shpërndarë  në  faqen zyrtare bashkia Pogradec, e cila ka postuar gjithashtu përshëndetjen e Sarah dhe arsyen se përse ajo vendosi të marrë këtë iniciativë për të ndihmuar vogëlushët e vegjël. Mesazhi që përcjell 16 vjeçarja shqiptaroamerikane është po aq i ndjerë sa edhe misioni i saj human që e ka realizuar me dashamirës të tjerë në SHBA.

Sarah tregon se verën e kaluar ka vizituar Pogradecin ku ka origjinën gjyshja e saj. Ndërsa dy prindërit i ka nga fshatrat Burimas dhe Zëmblak i Korçës. Në këtë vizitë natyrisht i kanë lënë mbresa bukuritë dhe bujaria pogradecare por edhe familje nëvështirësi ekonomike që i kanë dhënë nxitje se si mund ti ndihmojë sadopak. Ajo ka vendosur ti përgjigjet bujarisë me bujari. ‘Kultura shqiptare ka qenë një pjesë e jetës sime. Sa më të shkolluar të jemi, aq më shumë ndryshime pozitive jemi në gjendje të bëjmë’ ka thënë në mesazhin e saj Sarah Aliolli. /Albinfo.ch