Shqipëria

Shteti tjetër evropian, me të cilin Shqipëria heq vizat

Marrëveshja synon që të lehtësojë lëvizjen e lirë të qytetarëve

E hënë, 30 Dhjetor 2019 - 21:20 albinfo.ch

Shqipëria ka hequr vizat me një tjetër shtet në Evropë. Bëhet fjalë për Bjellorusinë, me të cilën është firmosur një marrëveshje që u lejon qytetarëve të të dyja vendeve që të udhëtojnë dhe të qëndrojnë për 30 ditë në vendet përkatëse.

Marrëveshja është nënshkruar më 27 dhjetor në Ambasadën e Bjellorusisë në Moskë. Ambasadori shqiptar në Rusi, Arben Gazioni, ka firmosur marrëveshjen së bashku me homologun Vladimir Semashko.

Marrëveshja synon që të lehtësojë lëvizjen e lirë të qytetarëve, të promovojë marrëdhëniet e biznesit dhe turizmit, si dhe të zgjerojë kontaktet kulturore e sociale.

Bjellorusia është shtet në Evropën Lindore dhe kufizohet me Rusinë, Ukrainën, Poloninë, Lituaninë dhe Letoninë (tre të fundit, anëtare të BE-së). Me një popullsi që arrin gati 10 milionë, ekonomia bjelloruse renditet e 72-ta në botë.

 Të ngjashme

Lidhja e Papa Françeskut me shqiptarët, një histori besimi dhe shprese

 Të tjera nga Shqipëria

Bie turizmi dentar në Shqipëri

 E-Diaspora

 Jeta në Zvicër