Shtohen rastet me koronavirus, 72 në 24 orët e fundit

Në Kosovë u konfirmuan të enjten edhe 72 raste të reja me koronavirus.

Ato rezultuan pas testimit të 2,443 mostrave, bëri të ditur Ministria e Shëndetësisë e Kosovës, duke u thirrur në të dhënat e Institutit Kombëtar të Shëndetësisë Publike.

Në 24 orët e kaluara u shëruan 17 pacientë, ndërsa raste aktive me koronavirus mbeten 305, thuhet në njoftim.

Në Kosovë, që nga fillimi i pandemisë pranverën e vitit të kaluar, janë konfirmuar gjithsej 108,203 raste me koronavirus.

Prej tyre, 2,265 pacientë kanë vdekur dhe 105,633 janë shëruar.

Mbi 130,000 qytetarë janë të vaksinuar plotësisht.