Shtohet numri i aksidenteve me e-biçikleta

Ilustrim, Pixabay

Në 2022, 560 persona u plagosën rëndë dhe 23 humbën jetën në një aksident me biçikletë elektronike në Zvicër.

Byroja e Parandalimit të Aksidenteve thotë se të moshuarit 65 vjeç e lart janë më të rrezikuarit, shkruan RTS.

Rreziku për t’u lënduar për vdekje në një aksident me biçikletë elektronike rritet me moshën. Gjatë pesë viteve të fundit, dy të tretat e aksidenteve me fatalitet kanë prekur njerëzit e moshës 65 vjeç e lart, përcjellë albinfo.ch.

Shumica e viktimave të të tretës së mbetur ishin midis moshës 45 dhe 64 vjeç. Për sa u përket atyre të plagosur rëndë, tre nga katër ishin 45 vjeç e lart. Më shumë se gjysma (57%) e aksidenteve të rënda me biçikleta elektronike të regjistruara nga policia janë aksidente personale.

Sipas Byrosë, është më mirë të vishni një helmetë për t’u mbrojtur. Kjo është e detyrueshme edhe në biçikletat elektrike të shpejta, duke arritur shpejtësinë 45 km/h. Duke qenë se distanca e frenimit zgjatet në mënyrë të konsiderueshme kur rritet shpejtësia, “është gjithashtu thelbësore të parashikosh dhe të ngasësh në mënyrë mbrojtëse, veçanërisht kur i afrohesh rrethrrotullimeve ose kryqëzimeve”, rekomandohet tutje, shkruan RTS.