Shtrenjtohet udhëtimi me tren në Gjermani

Deutsche Bahn (DB) do të rrisë çmimet e biletave për këtë vit. Biletat në trafikun e distancave të gjata do të rriten dy për qind, tha Drejtori i Përgjithshëm i DB, Richard Lutz, shkruan albinfo.ch.

Rritja e çmimeve hyn në fuqi në ndryshimin e orarit më 9 dhjetor. Lutz e përshkroi rritjen si të moderuar. “Ne duam të mbështesim rritjen dhe shfrytëzimin e kapaciteteve me politikën tonë të çmimeve”, tha ai.

Lutz synon të përmirësojë më tej saktësinë e hekurudhës duke digjitalizuar rrugët. Sipas shefit të hekurudhës, në mesatare vjetore deri më tani përpikmëria ishte 76 për qind.

Vitin e ardhshëm hekurudhat gjithashtu synojnë të punësojë të paktën 15,000 punonjës të rinj, siç njoftoi Lutz. “Ne duam të rritemi dhe do të punësojmë së paku 15,000 punonjës të rinj vitin e ardhshëm. Këtë vit do të jetë së paku 19.000”, tha shefi i hekurudhave DB.