Shumë më pak zviceranë janë të gatshëm të udhëtojnë për në Shtetet e Bashkuara

(KEYSTONE/Christian Beutler)

Shoqata Zvicerane e Udhëtimit (SRV) pret një rënie drastike – deri në 50 përqind – të udhëtimeve për në SHBA në vitin 2026.

Presidenti i SRV, Martin Wittwer, ia atribuon këtë fenomen politikave të Donald Trump, transmeton albinfo.ch.

“Kjo situatë po shqetëson shumë njerëz në Zvicër dhe ata zgjedhin të mos fluturojnë më për në Shtetet e Bashkuara”, tha ai, transmeton albinfo.ch.

Ky trend në rënie, të cilin media zvicerane e quajti “rënia e Trump”, kishte filluar që në vitin 2025: ndërsa 60,883 turistë nga Zvicra mbërritën në Shtetet e Bashkuara midis 1 janarit dhe 31 marsit 2024, këtë vit numri ra në 48,712 gjatë së njëjtës periudhë.