“Siparantumi” i Kosovës, gati për koncertet e Vjenës

Kori Siparantum ngjiten në skenën madhështore për provat gjenerale të koncertit të fundvitit në Wiener Konzerthaus

Kori Siparantum është ftuar të marrë pjesë në festën e fundvitit me Wiener Singakademie në koncertet e Wiener Konzherthaus dhe tashmë ata janë ngjitur në skenën madhështore për provën gjenerale, bashkë me Orkestren Simfonike të Vienës dhe Korin Wiener Singakademie, përcjell albinfo.at.

Lajmin e ka bërë të ditur dirigjenti Memli Kelmendi, i cili ka thënë se kjo është një ëndërr që po bëhet realitet.

“Kori Siparantum tashmë është ngjitur në skenën #Wiener #Konzerthaus në proven gjenerale për koncertin e Vitit të Ri, së bashku me #WienerSingakademiedhe #WienerSymphoniker / Wellber nën drejtimin e Maestro Omer Meir Wellber.

Performanca tradicionale e Simfonisë së 9-të të Beethoven-it (në d-mol, e kompozuar në mes 1822-1824) është pjesë e festave të Vitit të Ri në Wiener Konzerthaus për 26 vjet. Këtë vit, kënaqësia jonë është e dyfishtë, pasi Kori Siparantum do të jetë pjesë e këtyre koncerteve.

Koncertet do të drejtohen nga Omer Meir Wellber dhe janë planifikuar për datat 30 dhe 31 dhjetor 2023, si dhe 1 janar 2024, në orën 19:00. /Albinfo.at

---