S’ka më krizë energjetike

Qeveria e Kosovës ka miratuar vendimin për shpronësim të pronave në zonën Hade dhe Shipitullë, duke i hapur kështu mundësin KEK-ut që të gërmojë për eksploatimin e thëngjillit për prodhim të energjisë elektrike

Ekzekutivi kosovar në mbledhjen e sotme ka miratuar vendimin për shpronësim të pronave në zonën Hade dhe Shipitullë, duke i hapur kështu mundësin KEK-ut që të gërmojë për eksploatimin e thëngjillit për prodhim të energjisë elektrike.

Në këtë projekt nga 17 prona sa është paraparë do të hyjnë vetëm 11 pasi, disa nuk kanë pranuar, transmeton albinfo.ch.

Por kjo tejkalon mundësinë e ndonjë krize për energji në Kosovë. Qeveria miratoi gjithashtu edhe propozim vendimin për shqyrtimin e mëtejme të kërkesës për shpronësim të pronave të cilat preken nga ndërtimi i ndërtesave të përhershme të menaxhimit të integruar të kufirit, pika kufitare Merdar në komunën e Podujevës.

Ministri i Mjedisit dhe Planifikimit Hapësinor, Ferat Shala paraqiti kërkesën për shpronësime disa pronave të paluajtshme të cilat preken nga realizimi i disa projekteve në pikat kufitare që kanë të bëjnë me ndërtimi e ndërtesave të përhershme të menaxhimit të integruar të kufirit.

Shala ka thënë se janë plotësuar të gjitha kushtet për shpronësim dhe në fund vendimi u miratua nga Qeveria.