S’ka nivel të sigurisë të pirjes së duhanit

Njerëzit që pinë nga edhe vetëm një cigare në ditë, sipas studimit të BMJ-së, kanë gjasa 50 për qind më shumë që të kenë sëmundje të zemrës dhe 30 për qind më shumë që të përjetojnë sulme në zemër, në krahasim me ata që s’kanë pirë kurrë duhan

Duhanpirësit duhet të ndalin tërësisht cigaret në vend se të reduktojnë numrin e cigareve që pinë, për të ulur rrezikun për sëmundje të zemrës dhe sulme, ka sugjeruar një studim i fundit.

Njerëzit që pinë nga edhe vetëm një cigare në ditë, sipas studimit të BMJ-së, kanë gjasa 50 për qind më shumë që të kenë sëmundje të zemrës dhe 30 për qind më shumë që të përjetojnë sulme në zemër, në krahasim me ata që s’kanë pirë kurrë duhan, transmeton Albinfo.ch.

Ata thonë se nuk ka asnjë nivel të sigurisë për duhanpirësit.

Analizat e 141 studimeve kanë treguar se pavarësisht sa pinë duhan, si ata që pinë shumë, si ata që pinë më pak, rreziku te të dy grupet është i madh. Megjithatë, ekspertët thonë se reduktimi të paktën ul për pak shanset për sulm në zemër.