Të tjera
Skandal me diploma në Mal të Zi, qarkullojnë rreth 30 mijë të falsifikuara
Një skandal me diploma të falsifikuara ka shpërthyer në Mal të Zi, ku dyshohet se në vend qarkullojnë rreth 30 mijë të tilla.
Siç raporton DW, në këtë vend, me gjasë zhvillohet “kontrabandë” me dijen, teksa qeveria po synon të veprojë, përjell albinfo.ch.
Raportohet se Ministria e Arsimit, Shkencës dhe Inovacionit e Malit të Zi ka vendosur që urgjentisht të ballafaqohet me problemin e diplomave të falsifikuara që prej muajsh është bërë një çështje shqetësuese për vendin.
Ministrja Angjela Jakshiq Stojanoviq paralajmëroi ngritjen e një grupi punues pranë Ministrisë që do të merret me rishikimin e të gjitha diplomave të certifikuara. Ajo e pranon se kjo do të jetë një punë e veshtirë, andaj thekson nevojën e një bashkëpunimi dhe koordinimi me organet e tjera, autoritetet gjyqësore dhe prokurorinë.
Nga ana tjetër, përfaqësues nga Shoqata Civile Alternativa e Malit të Zi, sipas të cilëve, aktualisht janë 25.000 deri në 30.000 diploma të falsifikuara, mendojnë se aktivitetet e paralajmëruara nga ana e Ministrisë së Arsimit do të dështojnë. Zgjidhja e vetme, thonë ata, është ndryshimi i Ligjit për Pranimin e Diplomave.
Gjatë këtij viti janë ngritur 27 kallëzime penale për falsifikim të diplomave, por siç thuhet, numri i tyre është shumë më i madh. Për momentin presin të nostifikohen mbi 5000 diploma. Problemi më i madh, sipas përfaqësuesve të sektorit civil, mbeten diplomat e falsifikuara në sektorin e shëndetësisë, në arsim dhe në administratën publike.
Rasti në Institutin e Shëndetit Publik, ku zëvendësdrejtoresha për 11 vite ka punuar me diplomë të falsifikuar, ka tronditur thellë opinionin publik, ndërkohë që thuhet se diploma të falsifikuara kanë profesorë fakultetesh, politikanë dhe zyrtarë të lartë. Shoqata Civile Alternativa që është më e zëshmja në të gjithë këtë aktivitet thotë se këto diploma më së shumti vijnë nga Serbia, Bosnjë e Hercegovina dhe Republika Srpska. Në të njëjtën kohë, njohës të situatave politike nuk përjashtojnë mundësinë se kjo kalon nëpërmjet ndonjë grupi kriminal të mirorganizuar jo vetëm në Mal të Zi, por edhe në rajon.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse