Sonte finalja e Ligës së Kampionëve, Shaqiri kërkon trofeun e dytë

(AP Photo/Jon Super)

Xherdan Shaqiri deri më tani është shqiptari i vetëm që ka fituar në këtë garë Sonte nga ora 21:00 zhvillohet finalja e garës më prestigjioze për klube në Evropë, Liga e Kampionëve.  

Në finalen e Madridit do të përballen dy skuadrat angleze, Liverpool dhe Tottenham Hotspur, shkruan albinfo.ch. 

 “Të Kuqtë” janë favoritë dhe nëse triumfojnë, do të ishte trofeu i gjashtë në histori, kurse i pari për londinezët. 

 Xherdan Shaqiri pritet të jetë në bankën rezervë për tu inkuadruar në pjesën e dytë. Nëse Shaqiri fiton, do të ishte trofeu i dytë në histori për të, pasi e kishte fituar edhe me Bayern Munich në vitin 2013, duke mundur në finale Dortmundin.  

Ylli shqiptar është shprehur optimist para kësaj sfide dhe beson se do të triumfojnë në Madrid, në njërën nga ndeshjet më të rëndësishme në karrierën e tij. Shaqiri deri më tani është shqiptari i vetëm që ka fituar në këtë garë. Biletat për këtë finale janë shitur që një kohë të gjatë, derisa interesimi i mediave dhe tifozëve është i jashtëzakonshëm.