Sot fillon zbatimi i Ligjit për të Huajt dhe Ligjit për Automjetet në Kosovë

(AP Photo/Visar Kryeziu)

Sot nis zbatimi i Ligjit për të Huajt dhe Ligjit për Automjetet në Kosovë.

Ky proces do të zhvillohet në koordinim me Përfaqësuesin e Posaçëm të Bashkimit Evropian për dialog dhe me përfaqësuesit e komunitetit serb.

Dje, kryeministri i Kosovës, Albin Kurti, gjatë një konference për media pas mbledhjes së Qeverisë tha se ligjet do të zbatohen pa penguar ofrimin e shërbimeve bazike, por gjithashtu do të eliminojnë mekanizmat ilegalë që financohen nga Serbia, transmeton abinfo.ch.

Emisari i BE-së për dialogun Kosovë-Serbi, Peter Sorensen, ka përshëndetur angazhimin e Kosovës për zbatimin e ligjeve dhe ka vlerësuar përpjekjet për integrimin e shërbimeve shëndetësore dhe arsimore brenda kuadrit ligjor të vendit.

Ndërkaq, shefi i Zyrës së BE-së në Kosovë, Aivo Orav, konfirmoi se ka dakordim për nisjen e regjistrimit të serbëve të Kosovës dhe për dhënien e lejeve të qëndrimit të përkohshëm.