Sot në Davos të Zvicrës nis Forumi Ekonomik Botëror

Në mesin e 50 qeverive pjesëmarrëse, i pranishëm edhe kryeministri Kurti

Takimet vjetore të Forumit Ekonomik Botëror, të caktuara fillimisht në muajin janar, do të zhvillohen në Davos, Zvicër, përcjell albinfo.ch.

Sipas organizatorëve, disa prej temave që do të diskutohen në Davos janë ato për rimëkëmbje të ekonomisë globale, lufta në Ukrainë, luftimi i ndryshimeve klimatike dhe ndërtimi i një të ardhmeje më të mirë në punë.

Takimet në Davos janë mbajtur për dekada, me disa përjashtime. Përgjatë konferencës, udhëheqësit e shteteve dhe organizatat ndërkombëtare shkëmbejnë pikëpamje për çështje të aktualitetit.

I pranishëm do të jetë edhe kryeministri i Kosovës, Albin Kurti.

Nga sot e deri të premten do të ketë takime dhe fjalime të personaliteteve politike. /Albinfo.ch

---