Sot realizon vizitën në Kosovë ministri gjerman i Mbrojtjes

https://www.bmvg.de/en/organisation/minister-of-defence-boris-pistorius

Ministri i Mbrojtjes i Gjermanisë, Boris Pistorius, do të qëndrojë këtë të hënë në Kosovë.

Ai do të takojë Presidenten e Kosovës, Vjosa Osmani, në orën 11:00, e më pas edhe kryeministrin e Kosovës, Albin Kurti.

Në orën 13:30 do të bëhet ceremonia zyrtare e pritjes së Pistorius, e shoqëruar me togun ceremonial të FSK-së, në objektin e Ministrisë së Mbrojtjes, duke filluar nga ora 13:30.

“Ministri i Mbrojtjes, Ejup Maqedonci, të hënën, më 5 shkurt, do të presë në vizitë zyrtare ministrin e Mbrojtjes të Republikës Federale të Gjermanisë, Boris Pistorius, të shoqëruar nga deputetët të Bundestagut dhe ambasadori i Gjermanisë në Kosovë, Jorn Rohde. Ceremonia zyrtare e pritjes, e shoqëruar me togun ceremonial të FSK-së, do të zhvillohet në objektin e Ministrisë së Mbrojtjes, duke filluar nga ora 13:30”, thuhet në njoftim.

Tutje, bëhet e ditur se pas ceremonisë ushtarake, të dy ministrat e Mbrojtjes dhe delegacionet përkatëse do të mbajnë takimin bilateral.

“Pas përfundimit të takimeve të planifikuara në Ministri të Mbrojtjes, agjenda ditore do të vazhdojë në Qendrën Ndërkombëtare të Kërkim-Shpëtimit (QNKTSH), në Pomozatin, duke filluar nga ora 15:00. Me këtë rast, të dy ministrat e Mbrojtjes do të shohin për së afërmi kapacitetet profesionale dhe mjetet teknike të kësaj Qendre”, thuhet tutje në njoftim.