Spanja me yje kundër Shqipërisë, Kroacia ndaj Kosovës

Shqipëria dhe Kosova do të kenë ndeshje shumë të vështira gjatë muajit tetor. Shqipëria përballet me Lihtenshtajnin e Spanjën, kurse Kosova me Kroacinë e Ukrainën. Pikërisht Spanja dhe Kroacia kanë zbuluar listat e tyre, shkruan albinfo.ch.

Trajneri i Spanjës, Julian Lopetegui ka bërë publike listën me futbollistët që do të grumbullojë për dy ndeshjet e radhës, kundër Italisë dhe Shqipërisë më 9 tetor.

Risitë në listën e “La Rojas” nuk mungojnë, rikthimi i Andres Iniestës është ai që bie më shumë në sy, ndërkohë që grumbullohen sërish me Spanjën dhe Isco, Callejon, Vicolo, Sergio Rico dhe Nacho.

“Janë dy ndeshje shumë të vështira. Duhet të nisemi me ambiciet maksimale për çdo ndeshje, përballë Italisë dhe Shqipërisë. Nuk firmosim për asnjë rezultat para tyre”.

Trajneri i Kroacisë Ante Çaçiq, ka ftuar lojtarët më të mirë për përballjen me Kosovën në kualifikimet për Botërorin ‘Rusi 2018’. Emra të yjeve botëror si, Luka Modriq, Ivan Rakitiq, Ivan Perisiq e Mario Manxhukiq do të zbarkojnë në Shkodër për përballjen me Kosovën më 6 tetor.

Lista e Kroacisë:

Portierë: Danijel Subasiq (Monaco), Lovre Kaliniq (Hajduk), Ivan Vargiq (Lazio)

Mbrojtës: Sime Vrsaljko (Atletico Madrid), Vedran Çorluka (Lokomotiv), Domagoj Vida (Dynamo Kijev), Dejan Lovren (Liverpool), Ivan Striniq (Napoli), Josip Pivariq (Dinamo), Tin Jedvaj (Bayer Leverkusen)

Mesfushorë: Luka Modriq (Real Madrid), Ivan Rakitiq (Barcelona), Ivan Perisiq (Inter), Milan Badelj (Fiorentina), Mateo Kovaçiq (Real Madrid), Marcelo Brozoviq (Inter)

Sulmues: Marko Pjaca (Juventus), Duje Çop (Sporting Gijon), Mario Manxhukiq (Juventus), Nikola Kaliniq (Fiorentina), Andrej Kramariq (Hoffenheim).

Lista e Spanjës:

Portierë: David de Gea (Manchester United), Pepe Reina (Napoli) e Sergio Rico (Sevilla).

Mbrojtesit: Nacho (Real Madrid), Jordi Alba (Barcelona), Gerard Pique (Barcelona), (Chelsea), Sergio Ramos (Real Madrid), Dani Carvajal (Real Madrid), Sergi Roberto (Barcelona) e Javi Martinez (Bayern).

Mesfushorët: Sergio Busquets (Barcelona), David Silva (Manchester City), Thiago Alcantara (Bayern), Saul Niguez (Atletico), Koke (Atletico), Isco (Real Madrid), Iniesta (Barcelona)

Sulmuesit: Alvaro Morata (Real Madrid), Lucas Vazquez (Real Madrid), Nolito (Manchester City), Callejon (Napoli), Diego Costa (Chelsea) dhe Vitolo (Sevilla).