Lajme

Spanjë: Incident me teleferik, dhjetëra të lënduar dhe 80 të tjerë të bllokuar

E shtunë, 18 Janar 2025 - 21:00 albinfo.ch
Foto ilustrim: Ivan Derr

Të paktën 30 persona janë lënduar dhe disa të tjerë janë në gjendje të rëndë, si pasojë e një incidenti me teleferik në Spanjë.

Ngjarja ndodhi në vendpushimin e skive Astun, i cili ndodhet në kufirin spanjoll me Francën, në vargmalin e Pyrenees.

Kanali shtetëror TVE raporton se rreth 80 persona mbeten të bllokuar në teleferik teksa për momentin nuk dihet shkaku i incidentit.

Kryeministri spanjoll Pedro Sanchez deklaroi se ishte i tronditur nga lajmi, transmeton albinfo.ch.

Kryqi i Kuq Spanjoll njoftoi se ishte bashkuar me shërbimet e urgjencës në vendngjarje me një ambulancë të avancuar dhe 11 automjete të tjera të specializuara për shpëtimin e të bllokuarve.

 Të tjera nga Lajme

Shërbimet hekurudhore në Lucern janë të kufizuara ndjeshëm për shkak të një linje të dëmtuar

 E-Diaspora

 Jeta në Zvicër