Lajme
Standarde të reja në shkëmbimin arsimor shqiptaro-zviceran
Universiteti i Arsimit Schwyz (Shkolla e Lartë Pedagogjike ose PH Schwyz) dhe Universiteti i Tiranës në Shqipëri po zbatojnë aktualisht një projekt ndërkombëtar novator të quajtur “Peer Exchange Network in Teacher Education” (Rrjeti i shkëmbimit të kolegëve në edukimin e mësuesve), transmeton albinfo.ch. Qëllimi i këtij projekti është të promovojë shkëmbimin ndërkulturor dhe të forcojë kompetencat ndërkulturore si dhe bashkëpunimin ndërkombëtar.
Si pjesë e këtij programi shkëmbimi, studentë bachelor dhe pedagogë nga të dy institucionet marrin pjesë në modulet didaktike dhe transkulturore gjuhësore që janë përpunuar në bashkëpunim mes tyre. Në këtë kontekst eksplorohet jo vetëm përmbajtja teknike, por edhe traditat e ndryshme të mësimdhënies dhe të nxënit të të dy vendeve.
Në tetor të vitit 2023 dhjetë studentë nga PH Schwyz kanë ndjekur një modul në Universitetin e Tiranës, ku kanë zhvilluar shkëmbime intensive me studentë shqiptarë, thuhet në një njoftim në faqen e universitetit të përmendur, phsz.ch. Vizita e kthimit është planifikuar për në maj të vitit 2024, kur priten dhjetë studentë shqiptarë të vijnë në PH Schwyz.
Reagimet e deritanishme nga pjesëmarrësit tregojnë se shkëmbimi si gjatë kurseve, ashtu edhe në aktivitetet e kohës së lirë shihet si një pasurim për trajnimin akademik, mirëkuptimin ndërkulturor dhe zhvillimin personal, përcjell albinfo.ch. Studentët raportojnë rritje të vetëbesimit për t’u marrë me kompetencë me diversitetin gjuhësor dhe kulturor në jetën e përditshme shkollore.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse