Steinmeier paralajmëron për rrezikun e nacionalizmit në Evropë

Ministri i Jashtëm gjerman, Frank-Walter Steinmeier sot ka paralajmëruar për rrezikun e kthimit të nacionalizmit në Evropë, në një kohë kur uniteti politik mes vendeve të Bashkimit Europian është vënë në sprovë me sfida të ndryshme, njofton DPA, përcjell albinfo.ch.

Sipas Frank–Walter Steinmeier aktualisht një kërcënim për BE-në është “politika e frikës, izolimit dhe refuzimit për një zgjidhje të përbashkët evropiane.”

„Për një kohë të gjatë u duk se projekti evropian është në rrezik. Si rezultat i krizës financiare dhe migracionit, Evropa ka hyrë në një gjendje konfuzioni, tha ai në një intervistë për gazetën gjermane   “Neue Osnabrücker Zeitung“

Steinmeier paralajmëroi për rrezikun e rivalitetit ndërmjet shteteve të pavarura, të ndezur nga krahu i djathtë populist, të cilët insistojnë në një fund në BE. Sipas tij kjo është një shenjë e një “amnezie historike të rrezikshme.”