Steinmeier: Reagimet turke të mos ekzagjerohen

Ministri i Jashtëm gjerman, Frank-Walter Steinmeier, të enjten shprehu shpresën se Turqia nuk do ta ekzagjerojë me reagime pas miratimit të rezolutës nga Dhoma e Ulët e parlamentit gjerman, e cila e ka miratuar një rezolutë që vrasjen masive të armenëve gjatë Luftës së Parë Botërore nga Perandoria Osmane e njeh si gjenocid, transmeton albinfo.ch.
“Është një vendim tërësisht i pavarur i Bundestagut. Siç kemi pritur. Turqia ka reaguar, dhe unë shpresoj se ditët dhe javët e ardhshme do të jenë në gjendje për të shmangur reagimet e ekzagjeruara”, tha Steinmeier, i cili është duke vizituar Argjentinën.
Turqia e ka kundërshtuar ashpër këtë rezolutë të ‘Bundestagut’, ndërsa ka paralajmëruar se ky veprim do t’i rëndojë marrëdhëniet në mes të dy shteteve.
Ndërkohë raportohet se Ankaraja ka tërhequr ambasadorin turk nga Berlini.