Stoltenberg: NATO mbështet dialogun Kosovë-Serbi

Sekretari i Përgjithshëm i NATO-s, Jens Stoltenberg, ka deklaruar se NATO-ja mbështet dialogun Kosovë-Serbi dhe të gjitha përpjekjet që do të çojnë në uljen e tensioneve dhe zgjidhjen e mosmarrëveshjeve. Ai ka thënë se ka nevojë të gjendet një zgjidhje politike mes palëve, përcjell albinfo.ch.

“NATO-ja e mbështet dialogun, jo vetëm politikisht, por edhe me faktin se jemi prezentë në Kosovë me KFOR-in, mandati i të cilit është ruajtja e sigurisë. Edhe më tutje do të jemi aty që t’i mbrojmë të gjitha nacionalitetet”,  ka thënë Stoltenberg për mediat serbe.

Ai ka folur edhe për bombardimet e vitit 1999, duke thënë se ato janë bërë në mënyrë që të mbrohen civilët dhe të ndalohet qeverisja e presidentit të atëhershëm të Jugosllavisë, Sllobodan Millosheviq.