Karriera në Ballkan
Studentët e mërgatës të interesuar për UP-në
Ministri i Diasporës, Ibrahim Makolli tha se interesi nga ana e pjesëtarëve të mërgatës që të studiojnë në Universitetin e Prishtinës është i madh
Rektori i Universitetit të Prishtinës, Anton Berishaj ka thënë se dyert e universitetit “Hasan Prishtina” janë të hapura për të gjithë të rinjtë kosovarë që të jetojnë në diasporë. Këto komente Berisha i bëri pas një takimi që zhvilloi me ministri i Diasporës, Ibrahim Makolli.
Ai tha se me ardhjen e studentëve nga diaspora do të rritet edhe bashkëpunimi me ta.
Ministri Makolli tha se interesi nga ana e pjesëtarëve të mërgatës që të studiojnë në Universitetin e Prishtinës është i madh.
Sipas tij, Ministria e Diasporës ka një bashkëpunim me Universitetin e Prishtinës, dhe siç pohoi ai, kanë biseduar për të zbatuar strategjinë për mërgatën që është një dokument, i cili i ndërlidh të gjitha institucionet shtetërore në këtë rast edhe Universitetin.
“Tashmë është koha kur do të ketë regjistrim të studentëve në vitin e ri akademik, do të kemi dhe kemi interes edhe nga ana e pjesëtarëve të mërgatës që të studiojnë në Universitetin e Prishtinës dhe natyrisht në këtë kuadër e kemi biseduar edhe këtë çështje”, citon RTK, ministrin Makolli.
Po ashtu në këtë takim, siç tha Makolli, është biseduar për krijimin e lidhjeve dhe bashkëpunimin me universitete të tjera në botë, në mënyrë që studentë e mërgatës që studiojnë në universitete të ndryshme, të vijnë në Kosovë për disa semestra, e pastaj të kthehen në vendin e tyre.
Ndërsa, rektori i Universitetit të Prishtinës, Anton Berishaj e falënderoi ministrin për këtë bashkëpunim, për siç e quajti ai, gjestin e mirë të Makollit, dhe tha se është edhe një veprim i mirë i të dyja palëve, që këtë ide ta jetësojnë sa më parë.
Të tjera nga Karriera në Ballkan
E-Diaspora
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
Jeta në Zvicër
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër