Studim: Grupet islamike ndërkombëtare kanë një ndikim të kufizuar në Zvicër

Pretendimet se lëvizjet ndërkombëtare islamike ushtrojnë ndikim të rëndësishëm mbi xhamitë dhe komunitetet myslimane në Zvicër janë të ekzagjeruara, ka gjetur një studim, përcjell albinfo.ch.

Ndërsa, rrjetet ndërkombëtare dhe paratë nga vende si Arabia Saudite apo Katari ndihmojnë në ngritjen e strukturave në Zvicër, një ndikim i tillë tenton të zbehet, ndërsa strukturat bëhen më të vendosura, sipas Universitetit të Friburgut. Studimi vuri në dukje ndikimin e grupeve dhe lëvizjeve, si Vëllazëria Myslimane, Vehabizmi, Tablighi Xhemati dhe Al-Ahbash me bazë në Liban në shtatë komunitete myslimane në Lozanë, Cyrih, Bazel, Bernë dhe Delémont.

Ndërsa autorët zbuluan se të gjitha komunitetet zvicerane që ata hulumtuan kishin një lloj lidhjeje me grupet transnacionale, shtrirja ishte e ndryshme dhe ndikimi i huaj në përgjithësi ka rënë gjatë viteve të fundit.

Ata thonë se kjo është pjesërisht për shkak të mbikëqyrjes kritike në sferën publike – duke përfshirë median – si dhe të një ndryshimi brezash që ka parë muslimanë më të rinj, të arsimuar dhe të mirintegruar që vizitojnë xhamitë, të cilët priren të jenë më pak tolerantë ndaj ndikim nga aktorë të largët, përcjell tutje albinfo.ch.