Stuhi në pjesën gjermanofolëse të Zvicrës

Stuhi të rënda shiu kanë goditur përsëri Zvicrën të hënën në mbrëmje, bëri të ditur të martën SRF Meteo. Reshjet më të shumta janë shënuar në pjesën e poshtme të Emmental (BE) dhe Alpstein (SG). Sipas të dhënava zyrtare, 40.9 milimetra ujë kanë rënë në Affoltern (BE), 43.4 mm në Wauwilermoos (LU) dhe 54.5 mm […]

Stuhi të rënda shiu kanë goditur përsëri Zvicrën të hënën në mbrëmje, bëri të ditur të martën SRF Meteo. Reshjet më të shumta janë shënuar në pjesën e poshtme të Emmental (BE) dhe Alpstein (SG).

Sipas të dhënava zyrtare, 40.9 milimetra ujë kanë rënë në Affoltern (BE), 43.4 mm në Wauwilermoos (LU) dhe 54.5 mm në Muri (AP). Shirat janë shoqëruar me erë të fortë dhe shkatërruese.

Kjo stuhi ka prekur edhe kantonin e Vaud-it gjatë pasdites, duke përfshirë edhe rajonin e Oron-la-Ville. Zvicra është goditur nga moti i keq që nga nata e së shtunës. Dëmet kanë arritur në më shumë se 100 milionë franga.

Stuhitë e fundjavës kanë hedhur veçanërisht deri në 35 litra shi për metër katror të dielën në Entlebuch (LU) dhe deri në 30 litra në zonën e Cyrihut. Era ka arritur 100 km/h, për shembull në Le Bouveret (VS) dhe Moléson (FR).

Moti duket se do të jetë më i butë të martën. Shira mund të bien ende pasdite në jug dhe në Alpe, por ato parashikohen të jenë shumë më të qeta.