Stuhia Zoltan godet Gjermaninë, mbyllen disa nga tregjet e Krishtlindjeve

Foto Ilustrim

Një stuhi e fuqishme ka goditur Gjermaninë, sidomos veriun e vendit, duke shkaktuar lëndime në njerëz dhe dëme të mëdha.

Stuhia e njohur me emrin “Zoltan” shkaktoi probleme të mëdha të shërbimeve hekurudhore, ndërsa lëvizja e anijeve në zonë u ndërpre.

Agjencia Federale Detare dhe Hidrografike ka lëshuar paralajmërime për një përkeqësim të rrezikshëm të situatës në Hamburg, si dhe në rajonet bregdetare në Detin e Veriut dhe atë Baltik, shkruan albinfo.ch.

Sipas autoriteteve, niveli i ujit i kalon tre metra mbi nivelin normal të ujërave në rast rreziku të përmbytjes ndërsa policia paralajmëroi njerëzit të mos qëndrojnë në zonat e rrezikuara.

Mediat e huaja kanë raportuar se për shkak të stuhisë, në disa pjesë të Gjermanisë, tregjet tradicionale dhe të shumëpritura të Krishtlindjeve u mbyllën, ndërsa në trafikun hekurudhor pati ndërprerje e vonesa të mëdha, si dhe anulime të disa udhëtimeve më të gjata.

Në landin Renani Veriore-Vestfali, ekipet e shpëtimit kanë qenë të angazhuara gjatë gjithë natës për shkak të dëmtimeve në rrugë, automjeteve dhe rënie të pemëve.

Në landin Saksoni-Anhalt ka pasur dëme të konsiderueshme dhe dy të plagosur, ndërs landin Shlezvig-Holshtajn një person u plagos rëndë pas përplasjes së automjetit të tij me një pemë të rrëzuar në rrugë. Në Hesen sakaq, autoritetet lokale njoftuan se dëmet e shkaktuara nga stuhia, kapërcejnë vlerën prëj 130.000 euro.sh