Lajme

Suedia dëbon gazetaren kineze, përbënte këcënim për sigurinë

E hënë, 8 Prill 2024 - 19:20 albinfo.ch
Foto ilustrim: Jonathan Brinkhorst

Suedia ka dëbuar një gazetare kineze të klasifikuar nga autoritetet si “kërcënim serioz për sigurinë”.

Gazetarja thuhet se ka qenë në kontakt të ngushtë me diplomatë kinezë në Suedi prej disa vjetësh.

Mediat raportuan se 57-vjeçarja erdhi në Suedi gati 20 vjet më parë, ku thuhet se u martua me një suedez.

Ajo thuhet se ka qenë në kontakt të ngushtë me Ambasadën kineze dhe ka organizuar udhëtime të delegacioneve kineze në Suedi.

Sipas raportimeve, ajo ka qenë e ndaluar që nga tetori i vitit 2023, transmeton dpa, përcjell albinfo.ch.

Agjencia Suedeze e Emigracionit më pas vendosi ta dëbonte gruan.

Ajo e apeloi vendimin, por ai u refuzua nga një gjykatë suedeze.

Qeveria suedeze vendosi të dëbojë gazetaren përgjithmonë.

Sipas avokatit të saj, kinezja mohon të jetë një kërcënim për sigurinë kombëtare të Suedisë.

 

 Të tjera nga Lajme

Për shkak të inteligjencës artificiale: Telefonat dhe laptopët do të shtrenjtohen deri në 20 përqind

 E-Diaspora

 Jeta në Zvicër