Shqiperia
Sulm me thikë në një xhami në Tiranë, disa të plagosur
Një ngjarje e rëndë ka ndodhur këtë muaj të shenjtë të besimtarëve myslimanë, atë të Ramazanit, transmeton albinfo.ch.
Rreth orës 14:30, në Rrugën e Kavajës, një shtetas është futur në ambientet e një kulti fetar (xhami) dhe në rrethana ende të paqarta ka plagosur me mjet prerës 6 persona, transmeton albinfo.ch.
Një person ka hyrë me një thikë buke në xhaminë “Dine Hoxha”, që ndodhet në Rrugën e Kavajës dhe ka qëlluar me thikë 6 besimtarë, ndërsa ata po kryenin aktin e lutjes.
Falë reagimit profesional dhe të menjëhershëm të shërbimeve të Policisë, është bërë i mundur neutralizimi dhe prangosja e autorit të dyshuar, shtetasi R.N. 34 vjeç, nga Burreli, i cili po shoqërohet në ambientet e Drejtorisë Vendore të Policisë Tiranë, për veprime të mëtejshme.
Ai gjithashtu ka sulmuar me thikë edhe qytetarët që po kalonin në rrugë, ku njëri prej tyre është plagosur.
Fatmirësisht të plagosurit D.K., M.K., K.J., A.T., S.P. ndodhen jashtë rrezikut për jetën.
Autori jeton në Klos bashkë me familjen, por është bërë shumë i dhunshëm, ndërsa të paktën gjashtë muaj vuan nga depresioni.
Veç këtij akti të rëndë, ai gjithashtu ka ushtruar dhunë edhe ndaj familjes.
Sipas burimeve, ai ka ardhur prej pak kohësh nga Anglia dhe që atëherë është bërë problematik. /Albinfo.ch
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Projekti kombëtar i testimit të tokës zhvillohet të shtunën dhe të dielën “Tokat janë thelbësore për jetën: ato sigurojnë prodhimin e ushqimit, filtrojnë ujin dhe strehojnë një...
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të
-
Zvicër: Kostot e sistemit shëndetësor kanë arritur 91.5 miliardë franga