Sulmuesi i Stoke City-t shënon një hat-trick të pazakonshëm foshnjor

Futbollisti profesionist i Stoke City, Saido Berahino supozohet se ka arritur një hat-trick të jashtzakonshëm që rrallëkush do të mund t`ia tejkalojë për një kohë të gjatë. Sulmuesi i Premier League, Stoke City, brenda shtatë javësh ka fituar tre fëmijë nga tre gra të ndryshme, shkruajnë mediat e huaja, përcjell Albinfo.ch.

Një lajm i tilllë është raportuar në tabloidin anglez “The Sun”. Sipas tij, ish e fejuara e Berahinos, Stephania Christoforou, fillimisht më 30 maj lindi një djalë me emrin Costa. Më 15 korrik, një infermiere e paidentifikuar, një mikeshë e rinisë e lojtarit, lindi një vajzë.

Por, në këtë rast atësia e Berahinos nuk është konfirmuar ende. Dhe në fund, më 17 korrik, ishte ish e dashura e Berahinos, Chelsea Lovelace lindi vajzën Aniya Marie.