SVP-UDC kundërshton “Iniciativën kundër zhvatësve”

Në kuvendin e kësaj partie të mbajtur në Balsthal të Solothurnit, Kundër iniciativës në fjalë kanë votuar 295 delegatë ndërsa Pro iniciativës, 160 sish

Delegatët e Partisë Popullore të Zvicrës (SVP-UDC) kanë votuar të shtunën me shumicë votash kundër  Iniciativës së deputetit nacional pa parti, Minder, e cila ndryshe njihet  si “Iniciativa kundër zhvatësve”.

Në kuvendin e kësaj partie të mbajtur sot në Balsthal të Solothurnit, Kundër iniciativës në fjalë kanë votuar 295 delegatë ndërsa Pro iniciativës, 160 sish.

Para mbajtjes së këtij kuvendi, iniciuesi Minder dhe shefi ideor i SBVP-së, Christoph Blocher kishin debatuar rreth iniciativës së përmendur. Minder e kishte konsideruar si të mangët kundërpropozimin që Qeveria Federale i kishte bërë iniciativës së tij, pasi që ai (kundërpropozimi) nuk parasheh masa ndëshkuese.

Nga ana tjetër Blocher ka thënë se kundërpropozimi në fjalë parasheh që menaxherëve parimisht t`u ndalohen shpërblimet dhe zhdëmtimet me rastin e fillimit dhe përfundimit të punës. Blocher ka shtuar se propozimet që i ka brenda saj iniciativa e Minder-it do t`u shkaktonin shumë dëme në të holla  firmave të vogla.