Synimi i Gjermanisë me veturat elektrike deri më 2030

Sipas propozimeve të Komisionit Evropian, vetëm automjetet neutrale ndaj CO2 do të regjistrohen në sektorin e transportit në Evropë në vitin 2035

Në panairin e këtij viti në Mynih, prodhuesit bënë një përpjekje për të treguar se si duhet të duket e ardhmja e automjeteve elektrike, gjë që është në përputhje me synimin e qeverisë gjermane për të pasur të paktën 15 milionë automjete elektrike me bateri në rrugë deri në vitin 2030.

Në korrik 2023, 20 % më shumë automjete elektrike u regjistruan në Gjermani sesa në të njëjtën periudhë të vitit të kaluar, dhe hulumtimet më të fundit tregojnë se numri i automjeteve të reja të regjistruara me energji ekskluzivisht nga energjia elektrike, të ashtuquajturat BEV (Automjete Elektrike me Bateri), po rritet dukshëm në Gjermani, shkruan Scan, transmeton albinfo.ch.

Sidoqoftë, nëse shihen statistikat e plota, d.m.th., numri i automjeteve elektrike në vend, atëherë situata më 1 korrik ishte akoma ndryshe: pjesa e automjeteve elektrike në numrin e përgjithshëm të automjeteve të regjistruara në Gjermani është vetëm 2.4% – janë 1.17 milionë automjete elektrike.

Social Demokratët, të Gjelbrit dhe Demokratët e Lirë liberalë, planifikojnë gjithashtu të rrisin transportin hekurudhor të mallrave me 25% deri në fund të dekadës.

Sipas propozimeve të Komisionit Evropian, vetëm automjetet neutrale ndaj CO2 do të regjistrohen në sektorin e transportit në Evropë në vitin 2035.

Përsa i përket infrastrukturës së mbushjes, mungesa e së cilës konsiderohet si një nga pengesat kryesore për përdorimin më të gjerë të automjeteve elektrike, do të ruhet objektivi aktual të Gjermanisë për 1 milion pika mbushje deri në vitin 2030 – nga rreth 49 mijë që janë sot.

Megjithatë, qeveria do të varet përfundimisht nga kompanitë private për të financuar ndërtimin.

---