Tabloidi anglez e rendit Shqipërinë ndër 10 destinacionet për 2019

Ashtu sikurse vitin e kaluar, edhe këtë vit shumë media botërore kanë nisur ta renditin bregdetin shqiptar si një ndër atraksionet turistike që duhet vizituar për vitin e ardhshëm.

Tabloidi anglez “Dailymail” ka përzgjedhur Kasmilin si një ndër 10 destiancionet kryesore që duhet vizituar për vitin 2019.  

“Zonat e nxehta” të reja për udhëtarët e guximshëm janë identifikuar nga ekipi në faqen e udhëtimit tëBooking.com, shkruan gazeta.

Aty thuhet: “Ksamili është një fshat i vendosur në jug të Shqipërisë dhe nga të gjitha anët është një gur i bukur i fshehur. I ndodhur përgjatë Rivierës Shqiptare, ai ofron ujëra kristal të qartë, plazhe të izoluara dhe restorante të qetë. Atraksionet në afërsi përfshijnë Syrin e Kaltër, një liqen ku flluskat krijojnë ngjyra që duken si një sy dhe Butrintin, një qytet i lashtë dhe një vend i trashëgimisë botërore të UNESCO-s’.

Përveç Ksamilit në Shqipëri, në listë janë edhe shkretëtira e Wadi Rum në Jordani, parajsa e paprishur e Bacalar në Meksikë, Samarkand Uzbekistan, Ouarzazate Morok, Palomino Kolombi, Mestia Gjeorgji, Kigali Ruanda, Leeuwarden Holandë  dhe Nusa Penida, Indonezi.