Takimi përmbyllës vjetor i koordinimit të misionit diplomatiko-konsullor shqiptar në Zvicër

Në kuadër të përmbylljes së aktiviteteve për këtë vit, u zhvillua takimi i fundit koordinues ndërmjet stafit të Ambasadës së Republikës së Shqipërisë në Bernë, Konsullatës së Përgjithshme në Gjenevë dhe Konsullatës në Cyrih.

Takimi u fokusua në vlerësimin e punës së realizuar gjatë vitit, forcimin e bashkërendimit institucional dhe harmonizimin e veprimeve të përbashkëta, me synim rritjen e efikasitetit dhe cilësisë së shërbimeve ndaj qytetarëve shqiptarë në Zvicër.

Me këtë rast, i gjithë stafi diplomatik dhe administrativ i misionit diplomatiko-konsullor shqiptar në Zvicër përcolli urimet më të mira për festat e fundvitit, duke shprehur mirënjohje për bashkëpunimin e deritanishëm dhe angazhimin e vazhdueshëm në shërbim të komunitetit shqiptar.